Efnisyfirlit með linkum

Nú er ég búin að flokka allar uppskriftir sem ég hef bloggað um og setja link á þær, allt hér á einum stað.

Sumar uppskriftir gætu átt heima í fleirum en einum flokk, en ég læt hverja uppskrift bara koma fyrir einu sinni og vel henni því flokk eftir því sem mér finnst ágætlega viðeigandi 

Ef þið lendið einhverntíma á link sem virkar ekki þá megiði gjarnan setja það í komment hérna svo ég geti lagað það :D 

Flokkarnir eru þessir:  

• Asía
• Brauð
• Drykkir 
• Grjón og pasta
• Grænmetisréttir - Salat 
• Kjúklingur
• Kjöt 
• Kökur og sætindi
• Mexikó 
• Pizza 
• Samlokur og aðrir brauðréttir 
• Sjávarfang 
• Sósur og ídýfur
• Súpur 
• Tapas og smáréttir
• Ýmislegt

Asía 

Eggja - sushi 

Kínverskar pönnukökur

Makizushi 

Yaki soba

Yakisoba dip 

 

Brauð

Alíslenskt brauð 

Beyglur  

Brauð með byggi og fræjum 

Einfalt brauð, bakað í potti 

Fléttubrauð í heimilisfræði

Flatkökur 

Hafragrauts krönsí kökur 

Hamborgarabrauð 

Honey oat subway langlokubrauð 

Kartöflubrauð 

Kornbollur 

Morgunverðarbollur 

Naan brauð

Naan brauð  

Naan, gerlaust 

Pig in a blanket

Rúgbrauð soðið  í niðursuðudósum

Rúgmjölsbrauð 

Tortillur úr maís úr dós 

 

Drykkir

Heitt kakó (eða kaffi) með núggati 

Jarðaberjamjólk 

Krækiberjasafi  

Lamumba 

Límónaði og Tinto de verano 

Mojito með engifer 

Velkomin í Hvalfjörðinn (sumarlegur drykkur)

  

Grjón og pasta

Bulgur pilaf  

Risotto með pancetta og rósmarín 

Rauðrófu-pasta 

Spagetti með pulsu og tómatsósu 

Grænmetisréttir - Salat - egg

Agúrkusalat með myntu og kóríander 

Avacado "franskar" 

Dahl með linsum og kartöflum 

Egg, soðin á pönnu 

Frittata 

Grillaður avacado 

Grænmetisréttur með marókkóskum áhrifum 

Hægeldaðir tómatar 

Kartöflubátar með lauksúpukryddi 

Kartöflukökur 

Kúrbítsblóm í pönnukökudeigi 

Maakouda Batata 

Mizuna passion salat  

Nýrnabaunatortilla 

Rauðlaukssalat 

Rauðrófusalat 

Roti með kjúklingabaunum 

Salat með eggaldin og ruccola 

Suðrænt sumarsalat 

Tortilla með því sem til var 

Quinoa salat með avacado 

 

Kjúklingur

BBQ kjúklingavefja

Fylltir tómatar með kjúkling

Indónesískur karrý réttur með kjúkling 

Kebab með Tzatziki  

Kínverskur cashew kjúklingur 

Kjúklingabitar með cashew hnetum og indverskum kryddum  

Kjúklingabollur með indversku ívafi   

Kjúklingaleggir með anis og austurlensku ívafi 

Kjúklingur sem sesame fræjum sýrópi og vorlauk  

Kjúklingabringur með sólþurrkuðum tómötum og pestó 

Lasagna með kjúklingafarsi  

Mangó karrý kjúklingur

Minn fullkomni steikti kjúklingur 

Ofnbakaðar kjúklingabringur með grænpiparssveppasósu og krydduðum kartöflum 

Risotto og kjúklingaafgangar á pönnu 

Tagliatelle með rósmarínkjúklingi  

 

Kjöt

Chile con carne með baunum  

Chile con carne meets quesadillas 

Folaldaborgari með ofngrilluðu brie, pomegranate, steinseljmauki og möndlum 

Grillað Hot Capicola salami

Grísasnitsel með peru chutney 

Heit frönsk sveitakæfa með sveppasósu og rúgbrauði 

Italian meatballs in Spain   

Ítalskar ótrúlega góðar lambakjötbollur

Ítalskar kjötbollur 

Kindaspjót 

Koofteh - Persneskur réttur 

Lambaborgari með avacado, kirsuberjatómötum og mangó  

Lambahakksbollur með indversku ívafi  

Lambakjötbollur með aprikósu 

Lambarifjur 

Lasagna, eingöngu úr íslensku hráefni 

Nautahakksvorrúlla

Nauta Tataki með Citrus shoyu  

Píta með kindahakki 

Píta með lambabuffi og myntusósu  

Sliders (hamborgarar)

Tataki nautalundir 

  

Kökur og sætindi

Avacadoís 

Bananamuffins 

Biscotti með heslihnetum og möndlum  

Biscotti með heslihnetum og möndlum  

Bláberjakaka með musli crumble 

Bollakökur - Uglur

Brownies 

Brownies 

Döðlukonfekt  

Döðlukonfekt   

Döðlu og apríkósu "kaka" (góð með ostum) 

Einfalt marsipan konfekt  

Epla crumble 

Granóla bar

Hamborgarasúkkulaðikaka 

Heilsubitakökur 

Hollar muffins með bláberjum

Hundasúruís   

Jarðaberjasulta, án sykurs 

Jarðaberjasýróp

Kaka með ganache og "ís á hvolfi"

Kaka úr sætum kartöflum

Kit kat kaka 

Makkarónur 

Muffins með bláberjum 

Piparkökur 

"Pull a part" brauð með kanilsykri

Rabarbarasulta með engifer  

Rauðrófupönnukökur  

Rice Krispies kökur 

Rósettur 

Skírnarkaka - Páska hátíðarkaka  

Sultumarmelaðe  

Súkkulaðikaka með rauðbeðum 

Sykraður appelsínubörkur (konfekt) 

Vanillu appelsínukrem 

Vanilluís 

Vatnsdeigsbollur

 

 

Mexikó

Baunastappa með chilpotle í Adobo sósu 

Empañadas 

Huevos rancheros II 

Huevos rancheros 

Mexíkósk maíssnitta 

Quesadillas með hýðishrísgrjónum og baunum 

Öðruvísi ostakaka með nachos og salsa

 

 

Pizza

BBQ pizzu tortilla 

Lachmacun 

Pizza - meiriháttar góð ráð

Pizza með dijon, feta, ólífum og hvítlauk 

Pizza með grísalundum og súrum gúrkum 

Pizza með lambapepperoni og emmental osti 

Pizza með ólífum og feta

Pizzabotn úr blómkáli 

Stromboli  

Tortilla pizza með jalapeno og vorlauk 

 

Samlokur og aðrir brauðréttir 

Beygla með osti og jalapeno 

Djúpsteikt rækjubrauð 

Hrísgrjónalummur með papriku og púrru

Klattar með byggflögum og grjónagraut 

Klattar með soðnu bankabyggi

Kúbönsk samloka 

Kúrbítsklattar 

Laxasamlokur 

Meinhollar pönnukökur 

Miðjarðarhafssamloka

Roast beef samloka 

Samloka með hamborgarahrygg 

Samloka með nautahakki  og sinnepssósu  

Smokkfiskssamloka 

Sólarlag í hvalfirði (klúbbaréttur)

Steikarsamloka 

  

 

Sjávarfang

Brandade með kartöflum 

Fiskibollur 

Fiskur með kiwano salati 

Fiskur með rjómasósu 

Humar með mangói og sweet chili sósu 

Hörpudiskur með salvíu, beikoni og puy baunum  

Karrý ýsa 

Kræklingur 

Kræklingur í rjóma og hvítvíni 

Kræklingur með hvítvíni og grænmeti 

Kræklingur með sinnepi 

Pasta með hörpudisk og grillaðri papriku 

Plokkfiskur með byggmjöli 

Plokkfiskur með vorlauk 

Pönnusteiktur lax  

Reykt hrefnukjöt með wasabi sesame dressingu

Reyktur lax í skál  

Reyktur lax með eggjahræru 

Saltfiskur í bjórdeigi 

Steikt ýsa með tómötum og osti  

Thai kræklingur 

Túnfisk tataki 

Ýsa með paprikupestói

Wok með grænmeti, hnetum og humar  

Ýsu wok með wasabi sesaame dressingu 

 

 

Sósur og ídýfur

Basil pestó  

bbq sósa  

Blómkálssósa  

Hamborgarasósa 

Harissa

Heimagert mangó chutney  

Hindberjavinegrette 

Hummus 

Jalapeno sósa  

Jarðaberja balsamic 

Mango jalapeno glaze dressing 

Myntudressing 

Pestó 

Rauðrófusósa / ídýfa    

Rauðlaukssalsa 

Rauðbeðudressing  

Remoulade 

Salatdressing  

Sinnepssósa 

Thai sweet chili sósa

Þeyttur rjómaostur

 

Súpur

Glettilega góð fiskisúpa 

Kjúklingabaunasúpa með blaðlauk 

Pho 

Súpa með canellini baunum og grillaðri papriku 

Tómatsúpa með grillaðri papríku 

Ýsusúpa 

Ætifíflasúpa 

 

Tapas og smáréttir

Aspas með myntusmjöri og hráskinku 

Beikonvafðar döðlur með ferskum mossarella 

Brandade með rauðbeðusósu og brokkolíspíru 

Bruschetta með kirsuberjatómötum og mossarella 

Brushetta með kúfskel, dvergrauðlauk og valmúga ediki 

Hreindýrapaté og meðlæti 

Hvítur aspas með myntusmjöri  

KanPan - snitta með kjötbollu með asísku sniði 

Manchego með sýrópi og valhnetukjörnum 

Parmigiano wafers

Peru bruchetta

Punjabi with twists 

Sérrí sveskjur 

Snitta með Jalapeno og osti 

Tapas hlaðborð 

Tikka masala í hrísgrjónapappír

 

ÝMISLEGT

Saltaðar sítrónur 

Útskorin melóna

 

Meistarakokkurinn Hrefna Sætran í eldhúsinu hjá mér

Haldiði ekki að ljúflingurinn og meistarakokkurinn Hrefna Sætran hafi komið í heimsókn.  En því miður var það ekki hún sem eldaði fyrir mig heldur ég fyrir hana.

Hún er með frábæra matreiðsluþætti á Skjá Einum og hún fékk mig til að elda fyrir sig dýrindis Lahmacun, tyrkneska pizzu.

Uppskriftina má nálgast hér.

Ef þið eruð með Skjá Einn þá getið þið séð þáttinn á vefsíðu stöðvarinnar, þetta var þriðji þáttur í sjöundu seríu.

EF þið ætlið að skella í pizzu um helgina prófið þá þessa.  Finnið ykkur gott lambakjöt og hakkið það sjálf eða fáið þá í kjötborðinu til að gera það fyrir ykkur, er ekki annars svoleiðis þjónusta einhverstaðar í boði hér á Íslandi?

Svo er hægt að fylgjast með Hrefnu á Facebook, Matarklúbburinn með Hrefnu Sætran.

GÓÐA HELGI!

Engar smá súkkulaðibitakökur. Mæli með þessum!

Þessar súkkulaðibitakökur stóðust alveg undir væntingum.  Og vegna þess að þær eru frekar stórar þá verða þær mmmmmmjúkar í miðjunni. 

Þetta er svona uppskrift sem allir súkkulaðibitakökuaðdáendur

verða að prófa að minnsta kosti einu sinni. 

Ég hefði ekkert á móti því að vera að narta í eina núna í tilefni dagsins, því ég á afmæli í dag.  En ég læt mér duga að narta í afmælisgjöf, súkkulaðið frá Hafliða Ragnars...

  

Það sem er lykilatriði við þessa uppskrift og verður að gera, er að geyma deigið í ísskáp í amk sólarhring.

Það er sniðugt á minni heimilum að baka 4 stk í einu því þær eru svo stórar, deigið geymist í kæli í 3 daga og svo má líka geyma það í frysti.  Ekki amalegt það :)

 Súkkulaðibitakökur

• 3 2/3 bollar hveiti
• 1 1/4 tsk matarsódi
• 1 1/2 tsk lyftiduft
• 1 1/2 tsk salt
• 1 1/4 bolli smjör
• 1 1/4 bolli púðursykur (ljós, en ég notaði dökkan)
• 1 bolli sykur
• 2 stór egg
• 2 tsk vanilludropar
• 120 g 70 % súkkulaði eða annað svakalega gott súkkulaði, verður að vera gæða!
• Sjávarsalt

Setjið þurrefni í skál.  Setjið smjör og sykur í aðra skál og hrærið saman með hrærivél þar til blandan er létt (3-5 mín). Hér er gott að vera með smjör við stofuhita.

Bætið við eggjum, einu í einu. 

Því næst vanillu.

Bætið við þurrefnum.

Setjið súkkulaðið í deigið og blandið því saman við svo það dreyfist  jafnt úr því.  Pakkið deiginu inn í plastfilmu.

 

Geymið deigið í ísskáp í sólarhring eða í allt að 72 klst.

 

DAGINN EFTIR: Mótið kúlur úr deiginu, hver kúla hjá mér var um 100 g.  Það er u.þ.b á við golfkúlu.  Já, þær eru svolítið stórar, það er best!

Raðið 4 kúlum á smjörpappír á ofnplötu með góðu millibili því þær fletjast út og þurfa sitt pláss.

Bakið við 180° c í 18-20 mín.

Ef þið notið ekki allt degið þá er hægt að gera kúlur úr öllu deginu og setja rest í frysti.

Passið að baka þær ekki of lengi sem þær verði ekki of harðar.

Þessi uppskrift er birtist fyrir ó nokkrum árum í New York times.

Döðlubrauð, sætt og sykurlaust

Ég fann þessa ágætu uppskrift á pressunni og ætla að henda henni hérna inn því ég á kannski eftir að gera þetta einhvern tíma aftur.

Ég er búin að færa inn vandræðalega mikið af sykruðum uppskriftum upp á síðkastið.  Og kosturinn við þessa uppskrift er að það er engin sykur í henni en þess í stað eru bæði döðlur og bananar.

 

 Döðlubrauð

• 200 gr. döðlur
• 2,5 dl. soðið vatn
• 2 egg
• 2 msk. brætt smjör
• 2 bananar
• 1 tsk. lyftiduft (hveitilaust úr Yggdrasil eða bara venjulegt)
• 1 tsk.Matarsódi 1/2 tsk. sjávarsalt.
• 1 tsk. vanilludropar
• 300 gr. speltmjöl

Saxið döðlur smátt og leggið í bleyti í sjóðandi vatni.  Látið kólna.

Þeytið saman egg og smjör, bætið við bönunum og þurrefnum.

Hrærið vel.  Sigtið vatnið frá döðlum og blandið við deigið.

Bakið í kringlóttu formi í 25-30 mín eða formkökuformi í ca 40 mín við 175°c.

 

Ég bakaði þetta í kringlóttu formi í hálftíma og skar hana svo til helminga og því næst í sneiðar.

Best nýbakað svo smjörið bráðnar á brauðsneiðinni.

Bláberjakaka með "crumble", sérlega góð með ís

Mér finnst epla eða bláberja crumble svo gott með ís.  Ég bjó til þessa bláberjaköku um daginn og ofan á er crumble.  Í staðin fyrir að nota haframjöl eða hveiti í "crumblið" þá notaði ég musli.  Það var mjög gott.

Þetta er svolítið sæt uppskrift, ég mun eflaust minnka sykurmagnið næst, sérstaklega ef hún er borin fram með ís.

Bláberjakaka með crumble

• 60 g smjör
• 3/4 bolli sykur
• 1 egg
• 1/2 tsk vanilla
• 2 bollar hveiti
• 2 1/4 tsk lyftiduft
• 1/2 tsk salt
• 3/4 bolli mjólk
• 2 bollar bláber, fersk eða frosin

 

"Crumble"

• 80 g smjör
• 1/2 bolli sykur
• 1/2 tsk kanill
• 1/2 bolli ykkar uppáhalds musli (eða t.d 50/50 hafrar og hveiti)
• 1/4 tsk salt

1 bolli er 2,4 dl

Blandið saman smjöri og sykri, gott að vera með smjör við stofuhita eða skera það smátt.

Bætið við eggi og vanillu.  Blandið saman hveiti, lyftidufti og salti og blandið því við smjörblönduna, hellið mjólkinni saman við og hrærið saman.

Blandið berjunum varlega við deigið.

Setjið það í smurt form.  Mitt var um 20 x 30 cm. 

 

Crumble:

Skerið smjörið í teninga.  Setjið allt hráefnið í skál og klípið það saman með puttunum.  Myljið það svo yfir bláberjadeigið í forminu.  

Bakið í 40 - 50 mín við 180° c.

Mér finnst þessi svo góð með ís.  Einnig hægt að bera hana fram með rjóma eða bara eina og sér.

Ef þið notið musli sem er búið að sæta, minnkið þá sykurmagnið í crumble kannski um helming eða svo, en það fer kannski líka svolítið eftir því hversu miklar "sætutennur" fólk er. 

 

Alíslenskt brauð, allt hráefnið framleitt hér á landi

Eitt af því sem ekki er hægt að kaupa ef maður er að borða íslenskan mat er alíslenskt brauð.  Því varð ég að láta reyna á að búa til eitt slíkt og var ekki mjög bjartsýn á útkomuna.  En viti menn, það var vel ætt.... :)

 

Íslenskt brauð 

• 150 g íslenskt heilhveiti
• 150 g íslenskt byggmjöl
• 1 tsk íslenskt salt
• 2 tsk íslenskt hunang
• U.þ.b 300 g mjólk

Hrærið hunangi í mjólkina.  Þurrefnum blandað saman, svo mjólkin út í.  Öllu hrært lauslega saman með sleif. 

Setjið í bökunarform með smjörpappír í botninn.

Bakað við 200°c í 50 - 60 mín.

Hvernig bakar maður bolluvönd?

"Bolluvöndur, hvað er það?" spyr vinkona mín.  "Eru það svona bollur sem þú bakar nálægt hvor annarri svo þær festast saman?"

Það er svona að alast ekki upp á Íslandi sem barn.  En mér finnst hugmyndin hennar ekki galin og aldrei að vita nema ég bjóði henni í bolluvönd við tækifæri.  Bolluvendirnir eru sem sagt ekki svo alþjóðlegt fyrirbæri.  Ég settist á sunnudagsmorgni og bjó til bolluvönd með dóttur minni, aðalega svo ég gæti sent hana að rassskella pabba sinn sem lá sofandi inn í rúmi.

Kannski ekki alveg ástæðan.  Heldur finnst mér  gaman að halda í gamlar hefðir sem maður sjálfur ólst upp við.

Nú er ég til dæmis alveg týnd í öskudeginum, nú eru engir öskupokar fyrir krakkana.  Og ég er svo gömul að þá var ekki farið í búninga á þessum degi.  Mín minning er frí í skólanum og svo fór maður í Melabúðina að hengja öskupoka sem maður hafði föndrað alla vikuna (og aðal sportið var að beygja títuprjónana) á viðskiptavini búðarinnar.

Ég var nú ekki að senda mína tveggja ára í leikskóla með öskupoka með títuprjónum, en kannski eftir nokkur ár væri gaman að setjast niður og kenna henni að sauma öskupoka.

Hér er uppskrift af vatnsdeigsbollunum sem ég gerði og þær heppnuðst mjög vel.  

Vatnsdeigsbollur

• 125 g smjör
• 2.5 dl vatn
• 125 g hveiti
• 3 egg
• 1/4 tsk salt
• 1 tsk sykur

Sjóðið saman vatn og smjör (sykur og salt ef það er notað).  Bætið við hveiti í pottinn og hræra því kekklaust saman við. Sumir hafa pottinn á hellunni á meðan þeir hræra í hveitið aðrir taka pott af hellunni á meðan.  Ég hafði hann á hellunni.

Setjið deigið í hrærivél

Hrærið við eggjum, einu í einu.

 

Mótið bollur á smjörpappírsklædda ofnskúffu, um það bil 1 matskeið hver bolla með hæfilegu millibili.

Bakið við 200°c í 30 -40 mín. (35 mín hjá mér).

Þetta urðu um 20 bollur. 

Og meir um vatnsdeigsbollur hér.  

Heimagerð Thai sweet chili sósa

Alltaf minnka hjá mér innkaup á tilbúnum vörum.  Nýjasta afurðin er Thai sweet chili sósa sem mér finnst vera ómissanleg með núðluréttum og öðrum asískum mat.

Ég hélt að það væri fremur flókið að gera svoleiðis sósu þannig að hún líktist þessum sem ég er vön að kaupa.  En viti menn. Eftir 10 mínútna mall á örfáum hráefnum var komin dásamlega bragðgóð sæt chili sósa.

(Chili, chilli, chile...ég kalla þetta chile, það þykir voða fínt hjá"hard core" chile aðdáendum. En svo segi ég Thai sweet chili sauce því þannig er það yfirleitt á umbúðum sósunnar).

Fyrst er að smakka til rauðan chile.  Þeir geta verið mjög mis sterkir.  Í þessa sósu er gott að vera með fremur bragðsterkan chile. 

Ef þið eruð með mjög sterkan chile þá getið þið notað minna af fræunum eða skafið þau öll í burtu, en í þeim er mesti hitinn.

 

Thai sweet chili sauce

 

• 3 hvítlauksrif, afhýdd
• 2 rauðir chile piprar (með eða án fræja)
• 1.2 dl sykur
• 1.8 dl vatn
• 0.6 dl borðedik
• 1/2 msk salt

 

 

• 1 msk kornsterkja eða kartöflusterkja
• 2 msk vatn 

 

Setjið allt í blender nema kornsterkjuna og 2 msk af vatni.  Maukið vel.

Setjið maukið í pott og leyfið suðu koma upp. Lækkið hitann niður í meðalhita og látið malla þar til sósan byrjar örlítið að þykkna, um 3 mínútur.

Hrærið saman kornsterkju og vatni og bætið út í sósuna, hrærið í pottinum um leið og þið hellið sterkjunni út í og látið malla í 1 mínútu.

Kornsterkjan þykkir sósuna og gefur henni flotta áferð, annars væri þetta bara eins og þunn sósa með chile bitum fljótandi á yfirborðinu.

Kælið sósuna alveg og setjið í sótthreinsaða krukku og geymið í ísskáp.

Ef þið ætlið að gera svona sósu í einhverju magni til að geyma í lengri tíma þá er talað um að nota "Pre-gelatinized" sterkju.

Ég læt mér bara duga minna magn í einu, enda er þetta einföld og fljótleg uppskrift.  Tekur um hálftíma að skella í eina litla krukku.

 

Áferðin á sósunni var fullkomin, styrkleikurinn á chilebragðinu góður, fersk hvítlauks og chile lykt. Alveg frábært! 

Og best af öllu...nú er maður miklu nær því að vita hvað fer ofan í mann og sykurmagninu getur maður stjórnað sjálfur. 

Ég datt niður á blogg um tælenska matargerð shesimmers.com.  Það lítur út fyrir að vera margar skemmtilegar uppskriftir þarna.

Rauðrófusalat

Þið munið kannski, ég var að væflast með rauðrófur og epli hér um daginn.  Svo varð úr að ég ákvað að henda saman rauðrófusalati þrátt fyrir að vera ekki sérlega spennt fyrir því.  En viti menn, það var ferskt og gott og smellpassar með steiktu buffi.  Rauðrófur og epli dansa saman.

Það sem gaf mér hugmyndina að þessu var uppskrift sem ég fékk frá vinkonu sem var m.a með súrum gúrkum og ég mun fylgja þeirri uppskrift nánar síðar. Næst þegar ég fæ súra gúrku þrá.

Rauðrófusalat I

• 3 forsoðnar rauðrófur (hægt að kaupa forsoðnar í búðum)
• 1-2 epli
• 2-3 msk sýrður rjómi
• Smá salt
• Sítrónasafi úr hálfri sítrónu

Skerið rauðrófur og epli í teninga.  Setjið í skál og hrærið saman við það sýrðum rjóma, smá salti og sítrónusafa.

Flóknara var það ekki.

Rauðrófusalat II

• 400 g rauðrófur, ekki ferskar
• 150 g súrar gúrkur
• 2 epli (gul-rauð)
• 1 dl rjómi
• 2 msk mæjónes
• Salt og pipar

Svo er það hann Jamie Oliver, fyrst ég átti rauðrófur og alles og þar sem ég er að vinna mig í gegnum bókina hans.  Rauðbeður og balsamik edik er ágætis kombó.

Vatnsdeigsbollur - samanburður á nokkrum uppskriftum

Ég valdi af handahófi nokkrar vatnsdeigsbolluuppskriftir af netinu til að bera saman ásamt uppskriftum frá mömmu og tengdó sem hafa bakað sínar bollur í tööööttöguogfimm ár (eða kannski nær 45 árum).  Uppskrift frá Cafe Sigrún fær að fljóta með því það eru svo margir í spelt - agave - kókósolíu pælingunni.

Leiðbeiningar við bakstur eru yfirleitt mjög svipaðar.

Sjóðið saman vatn og smjör (sykur og salt ef það er notað).  Bætið við hveiti í pottinn og hræra því kekklaust saman við. Sumir hafa pottinn á hellunni á meðan þeir hræra í hveitið aðrir taka pott af hellunni á meðan.

Setjið deigið í hrærivél

Hrærið við eggjum, einu í einu.

Deigið á ekki að leka, heldur halda lögun.

Og svo þarf að muna:

• Það er alveg bannað að opna ofninn á meðan verið er að baka bollurnar
• Hafa gott bil á milli þeirra  á plötunni
• Betra of lítið af eggi en of mikið, hálft egg of mikið getur eyðilagt uppskrift

Smellið á myndina til að sjá hana stærri:

Leiðbeiningamiðstöð heimilina

Mosfellsbakarí

Pressan.is

Freisting.is

Mömmur.is

Cafe Sigrún

UPPFÆRSLA FRÁ RITSTJÓRA:

Ég var að smakka bollurnar hennar mömmu, bakaðar skv. hennar uppskrift sem má sjá hér að ofan.  þær heppnuðust vel og voru mjög bragðgóðar.  Get mælt með þeirri uppskrift.