Kúrbítur - galdur í matargerð

Hann er algjör snilld.  Ef ég elda taí, indverskt eða mexikóst þá yfirleitt sleppi ég kjöti eða kjúkling og nota bara grænmeti.  

Rassinn á ameríkönum er eitt stórt hormón og ég er búin að búa undafarið í útlöndum þar sem kjöt og kjúklingur er svo hormónasprautað og bringurnar líta út eins og steraboltar, ekki girnilegt...  Samt er ég mikil kjötæta og tek mína steik bleu. En ég reyni að forðast kjötið þegar ég veit ekki meðferðina á því, og þá sérstaklega kjúkling, erlendis.

Nema hvað, kúrbítur er með svo skemmtilegan texture og það er gott að mýkja hann á pönnu.  Hann virkar með öllu.  Og ég tala nú ekki um kúrbítsbrauðið sem ég bloggaði um hér um daginn.

Nú er maður alltaf að spara og eldar bara úr því sem er til.  En það var nú alveg slatti til í gær.  

 Grænmetis Tagliatelli

• Tagliatelli (eldað skv leiðbeiningum á pakka)
• Kúrbítur
• Laukur
• Sveppir
• Púrra
• Paprika
• Hvítlaukur
• Chile
• Matarolía (t.d Isio)
• Smjör
• Rjómi
• Hvítvín
• Salt og pipar

Mýkið kúrbít, lauk, púrru, papriku og sveppi á pönnu úr olíu og smjöri.  Bætið svo við hvítlauk og chile. (Magn fer bara eftir hversu sterkur hann er) Ég keypti pakka af þeim um daginn og þeir voru sætari og mildari en paprika...lítið gagn í þeim)

Svo þegar grænmetið var "ready" þá bætti ég við meira smjöri og svo smá rjóma og að lokum skvettu af hvítvíni.  Salt og pipar eftir smekk.

Ef ég hefði átt beikon þá hefði ég steikt það og mulið útí.

Magnið er ekki aðalatriðið í þessari uppskrift, heldur bara að skera smátt það grænmeti sem er til og svo  skvetta af rjóma og hvítvíni, sem í mínu tilviki var svona hálfur dl af hvoru.  En smjörið spara ég ekki, alveg 5-6 msk.

Svo má setja tagliatelli-ið í skál og henda þessu yfir og blanda vel saman.  Þegar þið eruð búin að sletta smá á diskinn ykkar er alveg möst að rífa yfir nóg af parmagiano og mossarella osti.

va va va vino

 Það er ekki uppi á manni typpið eins og áður var þegar maður fór í ríkið og fékk Montecillo, gran reserva "næstum gefins"

Mér finnst fátt skemmtilegra en að detta niður á góð vín.  Vorum með matarboð og buðum til okkar skemmtilegu fólki sem býr í Köben, borðuðum kjúklinga cannelone og þau komu með dúndur gott vín.  Svo gott að ég hafði vit á að setja það inn í Tasting Notes bókina mína.

Þetta er rauðvínið Castellani Brunello di Montalcino, Ítalíu, 2003. Eflaust ekki ódýrt. *

Gallo rauðvínið, Zinfandel er mjög gott og um 1690 kallinn

Svo duttum við niður á rooosa fínt ítalskt chianti, Villa Puccini, Riserva frá 2003, um 1700 kall.

Svo var þetta ferlega gott, Fortius Temranillo, frá Navarra, Spáni á 1450 kr.

Einnig sá ég Muga vín, reserva, spánskt, á um 3000 kall.  Ég var mjög að fíla þetta þetta vín þegar ég bjó á Spáni, og þar var það í dýrari kantinum.

*Kíkti í Tasting notes bókina mína áður en ég fór í ríkið og sá þar svo flöskuna á 5000 kall.  Svoooona í dýrari kantinum, en það var algjörlega hverrar krónu virði!  Takk fyrir að deila þessari flösku með okkur :)

 

 

Chile con carne

Það er mikil menning á bak við Chile con carne, heilu "trúarbrögðin" sem hafa skapast í kringum þennan góða rétt.

Þetta er til dæmis official réttur Texas búa í Ameríku og þykir þeim helgispjöll að nota baunir í sitt Chile. Ég er reyndar svo mikið fyrir baunir að mér finnst það must að hafa kidney beans í mínu Chile con carne.  Og ég vil hafa nautahakk, ekki nautakjöt í bitum þótt svo það sé alveg skemmtilegt stundum til tilbreytingar.

Ég eeelska Chile con carne, og þetta er einn af þessum réttum sem er aldrei eins þegar maður eldar hann næst.  Og um að gera fyrir chile fans að lesa sig til um skemmtilegar uppskriftir varðandi þennan rétt og imprúvæsera.

Chile con carne

• Nautahakk, laushakkað
• Paprika
• Hvítur laukur, skorin mjög mjög fínt
• tómatar í dós
• Tómatsósa í dós  
• Ein lítil dós Tómat paste
• 1 lítil dós bjór
• Hvítlaukur
• Chile og slatti af honum (eftir smekk)
• Nautakraftur með hálfum líter af vatni
• Smá kjúklingakraftur ( með desilíter af vatni)
• Salt
• Cayenne pipar
• Oregano
• Paprikuduft
• Chileduft
• Cumin
• Nýrnabaunir 
• Smjör og Olía
• Beikonfita
• hálf teskeið púðursykur
• 2 heilir Serranos piprar.  

 Brúnið lauk á pönnunni, bætið svo við hakkinu. Steikið hakkið.  Bætið í smátt skornum ferskum chile, smátt skorni papriku og hvítlauk.  Svo kemur vökvinn og tómatar, paste, púðursykur og baunir .  Því næst er það allt þurra kryddið, blandið því varlega við og verið dugleg að smakka til.

Ef þið steikið beikon er gott að nota fituna sem kemur frá steikingunni.

Leyfið 2 heilum Serrano piprum að fljóta í kássunni.  (Munið bara að vera dugleg og smakka til.  Ef þetta fer að verða of sterkt fyrir ykkar smekk þá má alltaf fjarlægja Serrano piprana)

Setjið lok á pottinn og látið malla í 3-4 tíma, ef það þarf meiri vökva þá má hella útí smá nautakjötssoði (Nautateningur soðinn í vatni) eða bjór, bara smakka til hvaða bragð vantar.

Gott er að sjóða chile piprana í vatni og afhýða þá svo og setja í blender með smá af vatninu sem þeir voru soðnir í og mauka og blanda við nautahakkið.

Svo mæla mestu Chile nördarnir með að þetta sé kælt í 12 klst og svo hitað upp.  En ég stenst nú aldrei það að bíða svo lengi.  En ég mæli eindregið með að elda stóóórann skammt og frysta!

Borið fram með góðum rifnum osti, t.d mossa eða cheddar.  Smá sýrður rjómi fer einnig vel með.  Þegar það er lítið eftir af kássunni þá er hægt að drýgja hana með að bera fram soðin hrísgrjón með eða jafnvel tortilla kökur.

 

Soffía Gísladóttir ©        www.soffia.net

Sleeping my day away

Í gær voru víst tónleikar með DAD, Disneyland after dark.  Fyrrverandi trommari þeirra, Peter er góður kunningi minn. Hitti hann einmitt í Köben um daginn.  Við kíktum á Sticks and Sushi sem eru með nokkra fína sushi staði þarna úti.  Ég er mikið fyrir sushi og þessi réttur hér er alltaf í þróun hjá mér og klikkar aldrei.  Frábær sem forréttur og í sushi hlaðborðið.

LAX Í SKÁL

• Lax
• Avacado
• Vorlaukur
• Sesamfræ
• Rauð silungahrogn
• Ferskt engifer

Skerið ferskann laxinn (eða reyktann ef það hentar ykkur betur) frekar smátt, 1-2 cm ferninga, avacadoinn einnig sem og vorlaukinn.  Blandið þessu saman i litla skál. (Ein skál á mann)

Í þetta fer svo teskeið af sesamfræum og teskeið af hrognum eða svo teskeið af rifnum ferskum engifer.  Blandið nett saman.

(Ég nota svipað magn af lax og avacado, u.þ.b 1/4 avacado á mann) 

Borið fram með Soya og wasabi og súrsuðu engifer.

 Tip: Mirin er must í sushi gerð.  Hellið þónokkrum matskeiðum af þvi í hrísgrjónin þegar þið eldið þau.  Þetta er svona sætt sýrópskennt hrísgrjónavín. Lykilatriði við suðu hrísgrjóna.

 

Soffía Gísladóttir ©        www.soffia.net

Lax

Alveg upplagt að fara út og fíra upp í grillinu og henda á það laxaflaki.

Lax

• Lax
• Smjör
• Salt
• Pipar
• Lime
• Thyme
• Hvítlauksrif

 

Leggið laxinn á álpappír. Setjið allt heila klabbið með í álpappírinn og grillið þar til laxinn er perfect.

Grillspjót

• Kúrbítur
• Kirsuberjatómatar
• Paprika
• Rauðlaukur rokkar

Stungið upp á grillpinnan, dreypa yfir þetta smá olíu, salt og pipar og sett á efri hillu grillsins.

 

Sósan 

• Sýrður rjómi
• Rauð paprika
• Fersk steinselja, og alveg slatti af henni. 
• Salt og pipar
• Smá Maple sýróp

Setti í blender og maukað.  Þetta var alveg ágæt sósa, mætti samt alveg fínpússa hana einhvernvegin.  Kannski með að grilla paprikuna í ofni svo að hún verði svört og sæt, og taka af henni skinnið og mauka svo...

 

Soffía Gísladóttir ©        www.soffia.net

 

 

Top 10 hollar uppskriftir sem ég hef bloggað um

Og allar drullugóðar.  Þetta er samt ekkert anal detox uppskriftir, bara svona hollar og góðar og eins og við vitum þá er allt gott í hófi.

1. Kleinuhringir úr pizzadeigi
2. Hunangssmjör
3. Majoneseggjasalat

Nei djók... 

Hér koma þær, en í engri sérstakri hollusturöð samt bara sirka röðin eins og ég hef bloggað um þær.  (Og ef eitthvað segir smjör þá má skipta því út fyrir holla olíu osfv..)

Top 10 hollar og góðar uppskriftir

1. Svartar baunir og kjúklingabaunir dip
2. Lambakjöt með Red Curry
3. Saltfiskur með súkkíní og fleiru góðu
4. Svartbaunasúpa 
5. Húrrandi holl grænmetissúpa 
6. Mango Tango ( Mango curry kjúklingur með hörpudisk)
7. Taí  kræklingur
8. Gulrótar og appelsínu súpa
9. Gallo Pinto
10. DAHL úr rauðum linsum

Sx

 

 

Efnisyfirlit

Þetta eru uppskriftirnar sem ég er búin að blogga um síðasta árið og í þessari röð, þ.e það fyrsta á listanum er það síðasta sem ég bloggaði um

 

• Spínat salat með rauðlauk og beikoni
• Hvítlaukssteiktar rækjur með hrísgrjónum soðnum í kókósmjólk
• Fallegasta samloka í heimi
• Lime Jalapeño aioli
• Kleinuhringir úr pizzadeigi
• Svartar baunir og kjúklingabaunir dip
• Humar á jóladag með rjómaostasósu
• Humarsúpa á annan í jólum
• Laxamauk borið fram í harðsoðnu eggi.
• Laxa-eggja salat
• Lax með rjómaosti og rauðlauk og kapers
• Lambafille með avacadomauki
• Lambakjöt með Red Curry
• Kjúklinga cannelone
• Saltfiskur með súkkíní og fleiru góðu
• Rækjutapas
• Kjúklingasúpa með núðlum
• Appelsínurjómasósa
• Hrísgrjón soðin í kókósmjólk
• Besta kombó í heimi,tapas rauðlauk pulsa ost ofl
• Fransbrauð með púðursykri
• Eggjatapas
• Ólífuolíukakódressing
• Kabab masala wannabe bollur
• Tikka Masala.
• Tvö tonn af osti... tetilla ostasamlokan
• Kartöflu-túnfisks-ítalskt salat
• Tagliatelle Bolognese eins og ég geri
• Kartaflan í örbylgjuofninum
• Bruchetta (Basic uppskrift)
• Kartöflumós
• Hunangssmjör
• Súper góð snitta með smurost og ólífum
• Papadams forréttur
• Tortilla og Krabbasalat
• Krabbasalat
• Fancy Patatas Bravas
• PATATAS BRAVAS
• Treo(Hráskinka-aspas-parmaostur)
• Tagliatelli Parma
• G&T -  ekki fyrir stelpur
• Ansjósur barþjónsins
• Svartbaunasúpa
• Skinkurúlla
• Spínatpönnukökur (Gestgjafinn)
• Tinto de verano
• Húrrandi holl grænmetissúpa
• Tortilla de español
• Letingjabrauð
• Minn Hummus
• Papriku og chile sósa
• Lambið sem fór til Arabíu
• Mango Tango ( Mango curry kjúklingur með hörpudisk)
• Avacado mauk
• Manchego ostur
• Salat með Manchego og hunangsdressingu.
• Hunangsdressing
• Focaccia samloka með nautahakki
• Kúrbíts-gulrótarbrauð
• Hvítlauks-salatdressing
• Lahmacun
• Crêpes
• Sinnepssósa
• Sinneps kræklingur
• Taí  kræklingur
• klettasalatspestókartöflusalat
• Verkamannaútgáfa af Paralyzer
• Humar og Avacado - match made in heaven
• Kúrbítsblóm (Zukkini flowers)
• Egyptian Walking Onions
• Rauðbeðsídýfa
• Belgbaunir með hnetum og hvítlauk
• Pizza Pizza. Nokkur ráð
• Ógeðslega einfalt (Rjómaostur og sweet and sour tai sósu)
• Gulrótar og appelsínu súpa
• Gallo Pinto
• Dürum
• Semi Raita
• Chile Olía
• DAHL úr rauðum linsum borið fram með Roti, Raita og Mango chutney

Spínat salat með rauðlauk og beikoni

Þetta er svaaaaka einfalt og mjög gott.  Eins og alltaf....Rauðlaukur rokkar!

Spínat salat með rauðlauk og beikoni

• Ferskt spínat
• Rauðlaukur rokkar
• Beikon
• Olía 

Steikja rauðlauk og beikon bita í olíu. Fyrir þá sem fíla vinegar hellið þá slettu út í.  Blandið saman við fersk spínatið.  

 

Hvítlaukssteiktar rækjur með hrísgrjónum soðnum í kókósmjólk

Var að koma heim í gærkveldi frá Kamloops, Kanada.  Vorum þar í 2 vikur.  Kamloops er lítll bær ca 300 km frá Vancouver.  Þetta er svona kúreka og indjánabær og svo fullt af rednecks.  Kamloops er indjánamál og þýðir "Þar sem árnar mætast".

Við bjuggum þarna úti fyrir 2 árum og förum reglulega í heimsókn þangað og eigum því fullt af óheyrilega góðum og skemmtilegum vinum, og nokkrir þeirra algjört gourmet fólk og því oftar en ekki var elduð einhver snilldin. 

Vorum á Íslandi í 2 vikur um jólin, matarboð á hverjum degi.  Svo fyrir áramót fórum við til Kanada í 2 vikur, og enn og aftur matarboð og skemmtilegheit á hverjum degi.  Ég hef því sankað að mér mörgum góðum uppskriftum síðasta mánuðinn. 

Hér er ein þeirra sem til varð rétt um miðnætti hjá góðum vinum eitt kvöldið í Kamloops þegar við komum heim af hverfispöbbnum.

Hvítlaukssteiktar rækjur með hrísgrjónum soðnum í kókósmjólk

• Smjör
• Hvítlaukur
• Rauðlaukur
• Gul paprika
• Tómatsósa
• Sykur
• Salt og pipar

Steikið upp úr slatta af smjöri rauðlauk, papriku og hvítlauk, svo kemur tómatsósan og sykurin, bara svona bragða þetta til. Bætið út í rækjum og salti og pipar.  Passið bara að ofsteikja ekki rækjurnar.

Þegar hrísgrjónin eru soðin og kæld mótið þau svona eins og Nigiri-sushi.  Setjið svo rækjuna (skelflétta) ofan á grjónin og smá rauðlauk og papriku til hliðar á diskinn.

Þessi réttur var búin til úr því hráefni sem til var.  Grjónin höfðum við soðið kvöldið áður og var þetta því bara spontant samsetning og uppskriftin til á staðnum...

Hrísgrjón:

Ég hef áður bloggað um þessa uppskrift af kókóshrísgrjónum og þau fóru rosa vel með rækjunum. 

• 1 1/2 bolli hrísgrjón
• 2 bollar (eða ein dós) kókósmjólk
• 1 bolli vatn
• Smá salt

Hitið kókósmjólk og vatn, bætið við hrísgrjónum og salti og fáið upp suðu.  Látið malla í 10 mínútur eða svo.  Setjið svo á lægsta hita og mallið þar til grjónin eru komin á sama level og vökvinn.  Flöffið grjónin með gafli, setjið lok á pottinn og mallið þar til allur vökvi er horfinn.

Svo er líka gott að mauka smá ferskt ginger eða skera smátt og setja í pottinn.

 

 

 

 

 

 

 

Fallegasta samloka í heimi

 Og ég er ekki að grínast.  Og hér kemur loksins uppskriftin.

En sagan er þessi, svona í stuttu máli:  Bjuggum um tíma í Kaupmannahöfn.  Kærastinn bauð mér út á fínasta og dýrasta stað bæjarins, svona fyrst að áhugamálið er matur og vín.  Reikningurinn fyrir okkur tvö hljóðaði upp á 60.000 kr.  (Miðað við gengið í dag örugglega nær 100.000 :P ) 

Svo kom að því að kærastinn átti afmæli og ég sagði að við gætum farið hvert sem hann vildi.  Hann vildi fara á Salon og fá samlokuna. Eins og áður kom fram í þessu bloggi...

"Salon, kaffihús á Skt Peders Stræde. Þeir eru með bestu og fallegustu samlokurnar í bænum. Ég mæli með samloku sem nefnist King. Eldhúsið er á við fataskáp og maturinn frá þessu eflaust minnsta eldhúsi bæjarins er mjög góður. Stólar og borð eru fengin héðan og þaðan, og eru ansi sjúskuð, en þetta er mjög kósí. Staðurinn er mest sóttur af fólki á aldrinum 20-30 ára."

 

Ég skráði eins vel og ég gat innihald samlokunnar og hér kemur hún.

Fallegasta samloka í heimi

• Ógeðslega gott brauð, eða uppáhalds brauðið þitt eða t.d Ciabatta eða súrdeigsbrauð.
• Avacado
• Sólþurrkaðir tómatar
• Epli, mjög þunnt skorið
• Stökkt beikon
• Gott salat, eitthvað svona uppáhalds, blandað.
• Iceberg salat 
• Hunangs-hvítlauks mareneraður kjúklingur, skorin nett
• Rauðlaukur
• Sólblómafræ
• Gulrætur, skornar svona þunnt með grænmetisskera

 

Dressingin

• Sýrður rjómi og/eða mæjó
• Karry de lux krydd
• Maple síróp
• Salt og pipar 

Olían

• Góð ólífuolía.  En ég myndi jafnvel nota Avacado olíuna sem fæst t.d í Hagkaup
• Hvítlauksrif
• Oregano
• Salt og pipar

Skerið tómatana í fallega teninga og leyfið þeim að marinerast í smá af olíunni.

Svo er eiginlega uppsetningin á samlokunni aðalatriðið.  Er með mynd hér til að sýna hvernig á að bera hana fram.  Mjög mikilvægt að nota Iceberg salat sem svona skál og setja svo brauðið hálft ofan í.  

Berið olíuna á báðar hliðar brauðsins og setjið í panini grill í smá stund, eða á heita pönnu.

Svo er bara að raða öllu draslinu eins smekklega og þið getið.  Leyfið listamanninum í ykkur að  koma fram og njóta sín.