Soffía Gísladóttir

26.3.2009 | 14:17

Fyrirsætur, hamborgarar og smokkfiskur

Fór í rosalega skemmtilega myndatöku um daginn, var að mynda fyrir fáránlega flottan fatahönnuð. Stemmningin í tökunni var awesome. Fatahönnuðurinn alveg frábær, stílistinn flottur og módelið fallegt. Rosa pro gengi og útkoman varð því ekkert annað en AWESOME. Hlakka til að sýna ykkur útkomuna.

Fórum svo á Vitabar eftir tökuna til að fá okkur smá rauðvín og svo módelið gæti fengið sér hamborgara.

Svo fór ég í matarboð heim til mín. Þá var kærastinn búinn að henda upp í veislu og gestirnir mættir, þau Magga og Frikki. Ég tók ókunnuga stílistann með í boðið og allir skemmtu sér mjög vel.

Við buðum upp á þetta hefðbundna á raclette grillið. Kind, naut, kjúkling, grænmeti..... En það sem kom skemmtilega á óvart var smokkfiskurinn.

Og best af öllu þegar Frikka datt í hug að ná í smá smjör og setja á grillið og pressa hvítlauk ofan í það og svo henda smokkaranum á herlegheitin. Svínvirkar, passið bara að ef grillið er of heitt að smjörið frussist ekki framan í ykkur. Þetta tókst amk mjög vel í okkar tilfelli.

Svo er bara að setja Yeah yeah yeahs á fóninn og dansa upp á sófaborðinu, ef borðið það er að segja bíður upp á dans, nú eða í dans.

Soffía Gísladóttir © www.soffia.net

Matur og drykkur | Slóð | Facebook | Athugasemdir (0)

25.3.2009 | 21:04

Kjúklingur fyrir drottningar

Fékk þessa uppskrift hjá drottningu. Smakkast súper vel. Gæti líka verið skemmtilegt sem svona smáréttur, einn af mörgum. Þannig að maður langi í meira, en fái ekki meira....já, ég er svoldið þannig.

Italian style tjúttari para reginas

Kjúklingur, í bitum
ólífuolía
Hálfur bolli púðursykur
Balsamic edik
Hálfur bolli Oregano, sí sí, næstum heill baukur
Einn og hálfur bolli af hvítvíni. Og muna, bara gott hvítvín!
Grænar ólífur
Sveskjur, skornar í litla bita

Blandið öllu saman, nema ólífum og sveskjum. Setjið í eldfast mót og bakið í ofni í ca hálftíma. Setjið ólífur og sveskjur þegar helmingur eldunartímans er liðinn. Berið fram með hrísgrjónum og góðu brauði.

Black með Perl Jam fer vel með þessum rétti.

Soffía Gísladóttir © www.soffia.net

Matur og drykkur | Breytt 4.4.2009 kl. 21:33 | Slóð | Facebook | Athugasemdir (0)

19.3.2009 | 20:51

Tjúttlingur með Parmigiano

Mér finnst eiginlega orðið meira gaman að elda þegar ekkert er til. Þá verða skemmtilegir hlutir til og frumlegri. Eldum eiginlega alltaf núna í formi forrétta og þá yfirleitt til skiptis sitthvorn réttinn, stundum 2 eða þrjá í total.

Og alltaf í anda foodwaves, semsagt vitum ekki hvað hinn eldar og verður að vera án uppskrifta og helst smá frumlegheit.

Með þessu móti borðar maður minna og hægar. Þannig að þetta er alveg í anda einhverra svona tísku megrunarlífstíls dóts...En við erum svo sem ekki að þessu út af neinu öðru en að við höfum gaman að því að elda og borða. Og ég spara ekki smjör, en íslenskt smjör er líka bara hollt.

Það var einhverntíma að ég held í gestgjafanum ógeðslega góður kjúklingaréttur sem hljómaði einhvernvegin svona, næstum því.

Tjúttlingur með Parrrmigiano

Kjúklingabringur (einn á mann eða svo)
Smjör (eða olía) ég nota líka oft bæði
Einn bakki sveppir eða svo
Smá safi úr sítrónu
Slatta skvetta af rjóma
Eins mikinn parmigiano ost og þið nennið (a.m.k dl)
Fersk mynta, bara smakka til og eftir smekk
Salt og pipar

Kryddið bringur með salti og pipar og steikið í smjöri og/eða olíu í nokkrar mínótur. Bætið við sveppum og hvítlauk (Mætti kannski bæta við smá meira smjör hér). Kreistið yfir smá sítrónu og svo rjóma og þvínæst parmigiano og sjóðið þar til bringurnar eru eldaðar. Bætið saxaðri myntu út í að lokum.

Svo er alveg málið að rífa ferskan parmigiano yfir herlegheitin þegar það er komið á diskinn.

TIPS: Ég klíf bringur oft þversum, þannig eru þær þynnri og taka minni tíma í eldun og það er líka oft alveg nóg, hálft bringa á mann sérstaklega þegar meðlæti er með eins og gott baguette, hrisgrjón og stuff.

Jæja, vorjafndægur á næst leiti og komin tími til að leggja kanínunni. Já, og svo fékk ég mjög skemmtilega linsu í afmælisgjöf og flass. Oui Oui. C´est moi.

Soffía Gísladóttir © www.soffia.net

Matur og drykkur | Breytt s.d. kl. 21:07 | Slóð | Facebook | Athugasemdir (0)

17.3.2009 | 22:05

Áfeng bananasúpa

Þessi er rosa góð í forrétt :) Frosnir bananar auka á ferskleikann.

Áfeng bananasúpa

Passoá
Amaretto
Skvetta af sódavatni
Smá appelsínusafi
Frosinn banani

50/50 af Amaretto og Passoá, appelsínusafi eftir smekk. Öllu hent í blender, borið fram í kokteilglasi.......með skeið.

Matur og drykkur | Breytt s.d. kl. 22:09 | Slóð | Facebook | Athugasemdir (0)

16.3.2009 | 16:46

Er ekki eitthvað skakkt við það að...

.. versla erlent kolsýrt vatn á ódýrara verði en það íslenska í matvöruverslun hér á landi?

Í fyrsta lagi er það allt of fyndið að flytja inn vatn til landsins, og í öðru lagi, að það skuli vera ódýrara en það íslenska segir sitthvað um uppsprengt verð á íslensku kolsýrðu vatni.

Það voru 79 krónur fyrir 2 lítra af innflutta vatninu en algengt verð er um 140 kr af því íslenska frá Vífilfelli, stundum fer það þó niður í 98 krónur í lágvöruverslun en það gerist svosem ekki oft.

Svo er til kolsýrt vatn framleitt af bleika svíninu sem ég veit ekki hvað kostar en það er eitthvað um 100 kallinn held ég.

Magnað!

Soffía Gísladóttir © www.soffia.net

Matur og drykkur | Breytt 17.3.2009 kl. 17:15 | Slóð | Facebook | Athugasemdir (1)

13.3.2009 | 10:16

Allt er gott sem endar vel

Að lokum var boðið upp á Franska súkkulaðiköku sem ég reyndar bakaði ekki og hef því enga uppskrift af henni, en hún smakkaðist mjög vel, ég get sagt ykkur það.

En svo var líka boðið upp á Kúrbítsköku, en ég hef bloggað þá uppskrift hér fyrir nokkru. Og er tera góð! Kúrbíturinn vegur svo vel á móti sæta elementinu finnst mér.

Með þessu var boðið upp á Otard vsop og rauðvín. Þegar hér var komið við sögu var klukkan að ganga fjögur og allir saddir og sáttir.

Takk fyrir mig!

Soffía Gísladóttir © www.soffia.net

Matur og drykkur | Slóð | Facebook | Athugasemdir (0)

12.3.2009 | 17:19

Raclette

Svo var komið að Raclette. Eitthvað sem klikkar aldrei ef maður er með Racletteost og gott naut. Klukkan orðin 01.35, réttur númer fimm.

Sheep riding the mechanic bull in the raclette ring

Raclette ostur
Nauta fille
Kinda fille (TERA gott!)
Kúrbítur
Rauðlaukur
Paprika
Fullt af góðum kryddu, og steikarkryddum
Góð sósa úr sýrðum með grænum pipar, graslauk eða eitthvað gott.

Einnig er gott að skera kartöflur í tvennt og baka í ofni þar til eldaðar svo að sárið (skurðurinn) er orðinn vel brúnn, jafnvel smá brunninn og bera fram með þessu öllu.

Kúrbítur og rauðlaukur skorinn í skífur, paprikan í stóra bita og kjötið í fremur þunnar sneiðar. Svo grillar hver og einn fyrir sig.

Með þessu kom Chianti Classico, ISOLE E OLENA, 2005. Og ég verð að mæla með Johnny Cash, nokkrum greatest hits með svona rétti, amk Ring of fire, Folsom Prison Blues, Walk the line og Hurt.

Soffía Gísladóttir © www.soffia.net

Matur og drykkur | Breytt s.d. kl. 18:08 | Slóð | Facebook | Athugasemdir (0)

12.3.2009 | 10:08

Ofsaltaður hestur

Það var svo kl 00.21 sem fjórði rétturinn kom á borðið í afmælisdinnernum. Þá var boðið upp á grafið hross með ruccola, vinegrette og parmagiano reggiano.

Hrossið, sem ég fékk í Ostabúðinni hefur alltaf verið í miklu uppáhaldi hjá mér, en í þetta sinn var það allt of salt. Þrátt fyrir að vera saltfíkill þá hefði ég viljað hafa það mun ósaltara til að kjötið sjálft fengi að njóta sín betur.

Borið fram með Faustino I, 1996. Tera vín! Island in the stream með Kenny og Dolly er must með þessum rétt.

Soffía Gísladóttir © www.soffia.net

Matur og drykkur | Slóð | Facebook | Athugasemdir (0)

11.3.2009 | 20:05

Ekkert til, en samt nóg til

Kannist þið ekki við það að fara inn í eldhús til að búa til kvöldmat og það er ekkert til. Lendi oft í þessu en í staðin fyrir að fara út í búð þá challenge-um við hvort annað og búum til sitthvorn réttinn.

Í kvöld var það fyrst ég og hann smakkaðist TERA vel og nú er hann að byrja á sínum rétt með hausinn inn í ísskáp að sagði. "Það er rosa challenge í gangi"

Sé hann taka jagemeister flösku úr frystinum, en vona að hann ætli bara að drekka það núna en ekki marinera humar í því eða eitthvað.

Nei, hann er búin að fá sér jagemeister í kokteilglas, verð bara að fara að taka mynd af þessu...augnablik.

Soffía Gísladóttir © www.soffia.net

Rétturinn sem ég gerði var

Túnfisks cannelone með djúpsteiktu hamborgarabrauði

Túnfiskur í dós
Laukur
Kúrbítur
Hvítlaukur
Hakkaðir tómatar úr dós
Heitt pizzakrydd (mjög heitt hjá mér þessa dagana, fer svo TERA vel með öllu)
Salt og pipar
Smjör
Hvítvín
Lasagna plata eða cannelone rör)

Mallið lauk, kúrbít og hvítlauk, allt smátt skorið, á pönnu í smjöri. Bætið við túnfisks og svo tómötum í dós. Svo setti ég smá hvítvín og aðeins meira smjör. Mallimall.

Setti lasagna plötu í sjóðandi vatn svo hún mýktist. Hún kólnaði aðeins og þá setti ég túnfisksfyllingunaá plötuna og rúllaði upp.

Setti smá af sósunni í eldfast mót og rúllurnar ofan (svo þær festist ekki við botninn). Og svo smá af hökkuðu tómötunum ofan á ásamt parmagiano.

Inn í ofn í 5 mín eða svo.

Á meðan cannelone-ið var í ofninum skar ég tvær sneiðar af Höfðingja, velti honum upp úr þeyttu eggi og brauðraspi, sem var hamborgarabrauð sem ég fann inn í frysti og rifinn parmagiano. Djúpsteikti þetta og bar fram með cannelone-nu.

Og í anda þess að það sé ekkert til þá mæli ég með að bera fram Solaz rauðvín úr kassa og lagið Fuzzy með Grant Lee Buffalo, flott lag sem vinur minn benti mér á fyrir stuttu og hljómar TERA vel.