Servéttumenning á Spáni

Ekki eru allir staðir komnir í ruslafötumenninguna ennþá...

 

Myndin er tekin á staðnum Mueseo de Jamon.

 Treo

• Hráskinka
• Aspas, ferskur
• Parmagiano Reggiano
• Smjör
• Salt og pipar

 

Aspasinn blancheraður, og svo steiktur upp úr smjöri.  Hráskinkunni vafið um nokkra aspasa og létt steikt á pönnunni.  Sett á disk og nóg af rifnum parmasen osti yfir.  Salt og pipar eftir smekk.  Hráskinkan er yfirleitt frekar sölt. 

Í framreiðslu:  Einnig er hægt að léttsteikja skinkuna sér, og setja hana á disk og svo aspasinn ofan á...um að gera að imprúvæsera.

Svo má fara út í pastarétt með svipuðu þema.

Tagliatelli Parma

• Tagliatelli
• Hráskinka
• Ferskur aspas
• Tómatar
• Shallott laukur
• Parmagiano Reggiano
• Hvítvín
• Smjör
• Salt og pipar

 

Steikið lauk og hráskinku og aspas upp úr smjöri, bætið svo við niðurskornum tómötum, eða hökkuðum tómötum úr dós. Saltið og piprið.  Látið malla, bætið við hvítvín, malla smá meir.

Blandið við Tagliatelli og nóg af parmagiano reggiano yfir.

 

Ég er ekki með neinar mælieiningar hér, þetta er ekki svo nojið, dash of this, dash of that... bara smakka til.

 

Kveðja frá Madrid,  Sxx 

 

 

Athugasemdir

[Anna Pála (IP-tala skráð) 5.10.2008 kl. 22:07]

Þvílíkt flashback að sjá þessa tapasbaraservíettumynd! Ekkert smá flottar allar þessar myndir hjá þér líka, þvílík snilld! Er í sjokki yfir Maldonsaltverðinu, kostar bara 298 í Bónus, er á leið til Spánar og vona að ég verði ekki að selja bílinn eftir 4ra daga dvöl :-)