Þurrkaður chili pipar og markaðsetning fyrir börn

Chili piparinn frá Engi er svo góður, hæfilega sterkur.  Ég kaupi sjaldan þurrkuð krydd, þessi í stórmörkuðum eru bragðlausari en Fréttablaðið.

Ég tók mig til og þurrkaði nokkra chili pipra og setti þá í mortel og hamraði á þeim þar til þeir voru orðnir að dufti.  Það væri eflaust hægt að mala þá í kaffikvörn. Þetta var svo gott krydd að ég er komin með 4 aðra í þurrkun.  Ég bjó til Indverskan mat um daginn þar sem ég notaði engin krydd nema ferskan hvítlauk, ferskt engifer og chiliduftið mitt og smá túrmerik.  Þetta var ótrúlega bragðgóður og bragðmikill réttur.

 

Ég fór í Krónuna, um leið og maður gekk inn var búið að setja parísar hoppileik á gólfið og dóttir mín hoppaði eftir tölunum í leiknum þar til hún stoppaði við stóra stæðu af Orkumjólk frá Latabæ. Frábær markaðsetning.  Hún ætlaði að taka sér kippu en ég tók fyrir það.  Mér er svo illa við svona markaðsetningar fyrir börn og versla ekkert með Latabæ.  Innihaldslýsing Orkumjólkur er sú sama og á sykurskertri kókómjólk. Það stendur meira að segja orðrétt að mjólkursykurinn sé klofinn eins og stendur á kókómjólkinni.

Þannig að ég er að velta fyrir mér hvort þetta sé sama mjólkin og frá MS, þótt svo að Vífilfell sé framleiðandi?

 

Svona þurrkaði ég chilipiparinn 

 

 

 

Athugasemdir

[Erla Magna Alexandersdóttir, 13.2.2013 kl. 20:30]

þeir sem markaðsetja vöru með svona fullyrðingum verða að athuga nákvæmni hennar- þ.e - skráningar. margir eru með ofnæmi- sem getur valdið dauða se u upplysingar villandi !

[Nanna Gunnarsdóttir (IP-tala skráð) 14.2.2013 kl. 11:19]

Sæl, Soffía.

Hvernig þurrkaðirðu chilipiparinn? Ég keypti svona þurrkaðan chili í Ungverjalandi fyrir nokkrum árum og náði ekki að nota hann allan því hann myglaði hjá mér. Sennnilega hef ég bara verið með of mikið og maður er ekki alltaf að elda með chili...

[Soffía Gísladóttir, 17.2.2013 kl. 12:18]

Nanna, ég bara hengi hann upp með bandi á einhverja sleif sem ég nota aldrei, setti inn mynd af því :) Það tekur nokkrar vikur að hann verði svo þurr að hann brotni auðveldlega.

Erla, stundum er gróðinn mikilvægari en neytandinn...