Jóladagatal ...17 - Nýrnabaunatortilla

Fyrir meir en tveimur árum síðan skrifaði ég færslu með frábærri uppskrift.  Það var aðeins eitt krydd (fyrir utan salt) í réttinum og samt var hann rosalega bragðmikill.  Kryddið var kanill og í tilefni jólanna þar sem kanill er allsráðandi í piparkökugerð þá ætla ég að rifja upp þessa uppskrift af því að hún er góð, einföld og holl.   

Ég ætlaði ekki að trúa því að eina kryddið í réttinum var Kanill.  I kid you not, það var allt og sumt því ég prófaði að elda þennan rétt eftir uppskrift áðan og hann var fáránlega bragðgóður.

Ég fylgdi uppskriftinni nokkuð vel en svona fór ég að...

 

Nýrnabaunatortilla

• 1 dós baunir (blanda af pinto, kidney og canelini baunum)
• 1 gulrót
• 1 Steinseljurót (parsnip)
• 1/2 laukur
• 1 dós hakkaðir tómatar
• 2 hvítlauksrif
• 1 tsk kanill
• 1-2 tsk salt
• 1 bolli rifinn ostur
• Tortilla kökur

Skerið lauk, nípu og gulrætur í tenginga og steikið upp úr smá olíu ásamt salti og kanil.  Bætið svo við baunum og tómötum.  Látið malla.  Setjið fyllingu í tortilla (burritos kökur) ásamt rifnum osti og inn í ofn í 5 mínútur við 200°c.

 

Með þessu bar ég fram Jalapeno sósu

• 2 msk sýrður rjómi
• Smátt skorinn jalapeno, niðursoðinn (2-3 hringir)
• 1-2 tsk lime safi
• 1 tsk sýróp
• Salt 

Öllu blandað vel saman.  Ég steytti í morteli jalapeno, lime og salti, bætti svo við sýrðum og sýrópi.

 

Svo bjó ég til Tómat salsa úr því sem til var

• 2 ferskir tómatar
• 3-4 hringir niðursoðinn jalapeno
• Salt og pipar
• 1/4 laukur

Tómatar, laukur og jalapeno skorið smátt og öllu blandað saman.

Jólajól...dagur 7

 

Athugasemdir

[Ásthildur Cesil Þórðardóttir, 7.12.2012 kl. 21:56]

Hljómar vel, ætla að prófa.Takk fyrir mig.

[Soffía Gísladóttir, 8.12.2012 kl. 13:14]

Verði þér að góðu :)