Lax með bláberjum og garðablóðbergi

Vinir okkar buðu okkur í mat um daginn.  Á boðstólnum var lax, reyktur með birki á útigrillinu.  Þar sem við vorum í sumarbústaðnum þá var farið út að tína krydd á laxinn, bláber, krækiber og garðablóðberg.

 

Þau skáru niður birkigreinar og settu í botninn á álboxi, því næst kom laxinn á grind og svo lox og öllu pakkað inn í álpappír með smá loftgötum.

 

Það tók um 20 mínútur að elda laxinn.

 

Uppskriftin gæti hljóðan einhvernvegin svona...

Reykeldaður lax

• 1 laxaflak
• Salt og pipar
• Krækiber
• Bláber
• Garðablóðberg
• Birki til að reykingar

Skerið birkið í bita og setjið í botninn á boxinu.  Kryddið laxinn og setjið hann á grind ofan á boxið og svo lok og álpappír eins og ég sagði frá hér áðan.  Leggið boxið á heitt útigrillið og eldið laxinn þar til hann er tilbúinn.  Það tók um 20 mínútur í þetta sinn.

 

Svartá 

 

 

 

THE HOUSE BY THE SEA Á FACEBOOK 

 

Athugasemdir

[Nanna Gunnarsdóttir (IP-tala skráð) 17.8.2012 kl. 12:21]

Sumir eru líka svo heppnir að eiga svona reykkassa fyrir birkið. Ég erfði einn eftir hann pabba minn og hef notað hann í þessum sama tilgangi og álboxið í botninum. Alveg brilljant og fæst m.a. í veiðibúð í Síðumúlanum sem ég man ekki í svpinn hvað heitir. Svona má líka elda lambakjöt eða hvað eina sem vill.

[Soffía Gísladóttir, 17.8.2012 kl. 17:46]

Einmitt. Laxinn var forréttur og lambið fékk reykleifarnar af laxinum og sömu kryddmeðferð. Alveg brilliant.

En frábært að eiga svona reykkassa. Þetta er svo skemmtileg eldamennska.