Hvítlaukssteiktar rækjur með hrísgrjónum soðnum í kókósmjólk

Var að koma heim í gærkveldi frá Kamloops, Kanada.  Vorum þar í 2 vikur.  Kamloops er lítll bær ca 300 km frá Vancouver.  Þetta er svona kúreka og indjánabær og svo fullt af rednecks.  Kamloops er indjánamál og þýðir "Þar sem árnar mætast".

Við bjuggum þarna úti fyrir 2 árum og förum reglulega í heimsókn þangað og eigum því fullt af óheyrilega góðum og skemmtilegum vinum, og nokkrir þeirra algjört gourmet fólk og því oftar en ekki var elduð einhver snilldin. 

Vorum á Íslandi í 2 vikur um jólin, matarboð á hverjum degi.  Svo fyrir áramót fórum við til Kanada í 2 vikur, og enn og aftur matarboð og skemmtilegheit á hverjum degi.  Ég hef því sankað að mér mörgum góðum uppskriftum síðasta mánuðinn. 

Hér er ein þeirra sem til varð rétt um miðnætti hjá góðum vinum eitt kvöldið í Kamloops þegar við komum heim af hverfispöbbnum.

Hvítlaukssteiktar rækjur með hrísgrjónum soðnum í kókósmjólk

• Smjör
• Hvítlaukur
• Rauðlaukur
• Gul paprika
• Tómatsósa
• Sykur
• Salt og pipar

Steikið upp úr slatta af smjöri rauðlauk, papriku og hvítlauk, svo kemur tómatsósan og sykurin, bara svona bragða þetta til. Bætið út í rækjum og salti og pipar.  Passið bara að ofsteikja ekki rækjurnar.

Þegar hrísgrjónin eru soðin og kæld mótið þau svona eins og Nigiri-sushi.  Setjið svo rækjuna (skelflétta) ofan á grjónin og smá rauðlauk og papriku til hliðar á diskinn.

Þessi réttur var búin til úr því hráefni sem til var.  Grjónin höfðum við soðið kvöldið áður og var þetta því bara spontant samsetning og uppskriftin til á staðnum...

Hrísgrjón:

Ég hef áður bloggað um þessa uppskrift af kókóshrísgrjónum og þau fóru rosa vel með rækjunum. 

• 1 1/2 bolli hrísgrjón
• 2 bollar (eða ein dós) kókósmjólk
• 1 bolli vatn
• Smá salt

Hitið kókósmjólk og vatn, bætið við hrísgrjónum og salti og fáið upp suðu.  Látið malla í 10 mínútur eða svo.  Setjið svo á lægsta hita og mallið þar til grjónin eru komin á sama level og vökvinn.  Flöffið grjónin með gafli, setjið lok á pottinn og mallið þar til allur vökvi er horfinn.

Svo er líka gott að mauka smá ferskt ginger eða skera smátt og setja í pottinn.

 

 

 

 

 

 

 

Fallegasta samloka í heimi

 Og ég er ekki að grínast.  Og hér kemur loksins uppskriftin.

En sagan er þessi, svona í stuttu máli:  Bjuggum um tíma í Kaupmannahöfn.  Kærastinn bauð mér út á fínasta og dýrasta stað bæjarins, svona fyrst að áhugamálið er matur og vín.  Reikningurinn fyrir okkur tvö hljóðaði upp á 60.000 kr.  (Miðað við gengið í dag örugglega nær 100.000 :P ) 

Svo kom að því að kærastinn átti afmæli og ég sagði að við gætum farið hvert sem hann vildi.  Hann vildi fara á Salon og fá samlokuna. Eins og áður kom fram í þessu bloggi...

"Salon, kaffihús á Skt Peders Stræde. Þeir eru með bestu og fallegustu samlokurnar í bænum. Ég mæli með samloku sem nefnist King. Eldhúsið er á við fataskáp og maturinn frá þessu eflaust minnsta eldhúsi bæjarins er mjög góður. Stólar og borð eru fengin héðan og þaðan, og eru ansi sjúskuð, en þetta er mjög kósí. Staðurinn er mest sóttur af fólki á aldrinum 20-30 ára."

 

Ég skráði eins vel og ég gat innihald samlokunnar og hér kemur hún.

Fallegasta samloka í heimi

• Ógeðslega gott brauð, eða uppáhalds brauðið þitt eða t.d Ciabatta eða súrdeigsbrauð.
• Avacado
• Sólþurrkaðir tómatar
• Epli, mjög þunnt skorið
• Stökkt beikon
• Gott salat, eitthvað svona uppáhalds, blandað.
• Iceberg salat 
• Hunangs-hvítlauks mareneraður kjúklingur, skorin nett
• Rauðlaukur
• Sólblómafræ
• Gulrætur, skornar svona þunnt með grænmetisskera

 

Dressingin

• Sýrður rjómi og/eða mæjó
• Karry de lux krydd
• Maple síróp
• Salt og pipar 

Olían

• Góð ólífuolía.  En ég myndi jafnvel nota Avacado olíuna sem fæst t.d í Hagkaup
• Hvítlauksrif
• Oregano
• Salt og pipar

Skerið tómatana í fallega teninga og leyfið þeim að marinerast í smá af olíunni.

Svo er eiginlega uppsetningin á samlokunni aðalatriðið.  Er með mynd hér til að sýna hvernig á að bera hana fram.  Mjög mikilvægt að nota Iceberg salat sem svona skál og setja svo brauðið hálft ofan í.  

Berið olíuna á báðar hliðar brauðsins og setjið í panini grill í smá stund, eða á heita pönnu.

Svo er bara að raða öllu draslinu eins smekklega og þið getið.  Leyfið listamanninum í ykkur að  koma fram og njóta sín.

 

 

 

 

 

 

Lime Jalapeño aioli

Þessi er meiriháttar með super nachos eða burrito og færi líka vel með fiski og hrísgrjónum.

Það er líka hægt að búa til sitt eigið aioli í staðin fyrir tilbúið majónes.

Lime Jalapeño aioli

• Majónes
• Smá lime safi, eftir smekk
• nokkrir jalapeño peppers, niðursoðnir.  Líka eftir smekk
• Salt og pipar
• Hvítlauksrif ef þið viljið, fínt skorið eða með hvítlaukspressu
• Kóríander

Setjið  lime safa, jalapeño, salt, pipar og kóríander (og hvítlauk ef hann er notaður) í blender eða maukið með töfrasprota.  Bætið út í  majónes og blandið létt sama.  Líka hægt að nota 50/50 majó og sýrðan eða bara sýrðan.

Einnig er hægt að nota ferskan jalapeño, skerið frá fræin.

 

Ef þið viljið búa til ykkar eigið Lime Jalapeño aioli þá er þetta uppskriftin:

• 1 egg
• 1 eggjarauða
• 1 bolli Canola olía
• Smá lime safi úr einni lime, eftir smekk
• nokkrir jalapeño peppers bitar, niðursoðnir.  Líka eftir smekk
• Salt og pipar
• Hvítlauksrif ef þið viljið, fínt skorið eða með hvítlaukspressu
• Kóríander

 

Maukið hvítlauksrif og salt í matvinnsluvél, bætið við eggi og extra eggjarauðu. 

Blandið vel saman.  Setjið vélina á slow og bætið við olíunni mjög rólega.  Nokkra dropa til að byrja með og svo í mjórri bunu.

Þá fer þetta að taka á sig majónes mynd.  Bætið við lime safa og jalapeño bitum og kóríander.  Saltið og piprið.

Kleinuhringir úr pizzadeigi

Sá þetta á Food Network áðan og fannst þetta doldið cool.

Taktu pizzadeig (heimatilbúið eða keypt tilbúið út í búð).  Rúlla það út, u.þ.b 2 cm þykkt.  Takið hringlótt mót og skerið út hringi, takið svo minna mót og skerið út innri hringinn svo þetta lítur út eins og kleinuhringur.  Djúpsteikið í ca 45 sek á hvorri hlið.  Svo má dýfa þeim í súkkulaði og hnetur, eða sykur osfv.

Afgangurinn af deiginu sem kemur úr innri hringnum er svo mótaður í kúlur og djúpsteiktur líka.  Setjið svo kúlurnar í bréfpoka með flórsykri, hristið og ta-ta, þið eruð komin með ítalskan eftirrétt. 

Sx

Matarbloggið á ensku

Ég er svona smám saman að koma matarblogginu mínu yfir á ensku. /  I´m translating my food blog to English.

http://chileandsalt.blogspot.com/

Ég var lengi að spá í hvað það ætti að heita, datt ekkert í hug.  Vinkona mín hér í Kanada sem er mikil matar manneskja sagði svo við mig.  Soffía! Þú elskar chile (chili pipar) og þú eeeelskar salt.  Afhverju heitir það ekki þá bara chile og salt.  Ég er algjörlega forfallin chile fan og hef miklar skoðanir á salti :)

Þannig að við látum það duga í bili.

Já, og ég nota spænsku útgáfuna á orðinu chili, sem er chile. Löng saga og eiginlega bara snobb stælar þess vegna. Þannig að það hefur ekkert skylt með landinu Chile, eða Síle eins og sumir segja.

Svo þarf ég að koma upp einhverju efnisyfirliti fyrir uppskriftirnar hér,  tjekka á því við tækifæri.

Sx

 

Svartar baunir og kjúklingabaunir

Tilbreyting frá dæmigerðum hummus

• Svartar baunir ( í dós, eða þurrkaðar eldaðar)
• Kjúklingabaunir ( í dós, eða þurrkaðar eldaðar)
• Ferskur grænn jalapeño
• Lime, smá kreist
• pinku pons hvítlauksrif
• Cumin, pinku
• Salt og pipar
• smá paprikuduft
• smá cayenne pipar
• Avacado olía, svona smá

Svo er bara að setja allt í blender eins lengi og þið viljið að hún verði smooth.  Gott með Tortilla chips.

Svo verð ég að segja fyrir minn smekk þar sem ég er svartra bauna fanatic að það er gott að sleppa kjúklingabaununum og nota bara svartar baunir

Einhverstaðar var ég að heyra að það þyrfti ekki að leggja baunir í bleyti, en í staðin þyrfti að auka suðutímann, svona fyrir þá sem hafa tíma í það.

 

 

Humar Heaven

Fékk dýrindis humar í jólagjöf.  Snilldar gjöf.  Þannig að í hádeginu á jóladag eldaði ég hann með rjómasósu og geymdi svo að sjálfsögðu allar skeljarnar og gerði svaka góða humarsúpu á annan í jólum.

Þar sem ég átti ekki von á að fá humar þá var ég ekkert búin að spekúlera í uppskriftum eða kaupa hráefni sérstaklega inn.  En þar sem þetta er um jól þá var svo sem til hellingur af allskonar góðu hráefni svo að ég bara imprúvæseraði úr því sem til var.

Humar á jóladag

• Humarhalar
• Rjómaostur
• Hvítlaukur
• shallot laukur
• Hvítlaukur
• Rjómi
• Hvítvín
• Smjör
• Salt og pipar

Mallið í smjörinu mjög smátt skornum shallot lauk og  hvítlauk.  Bætið út í slatta af rjómaost,alveg 4-5 msk. Setjið góða skvettu af rjóma.   Og að lokum smá skvettu af hvítvíni.  Sjóðið smá svo þetta þykkist aðeins.  Ef þið viljið hafa þetta þykkara þá bara meira af rjómaosti og minna af hinu.

Svo klippti ég með skærum skelina á humrinum. Semsagt rauða partinn ofan á humri, ekki undir humrinum og raðaði honum á eldfast mót með skelina upp.   Opnaði aðeins skelina með puttunum og setti ca 2 msk af sósunni á hvern humar.  Inn í vel heitan ofn á grill í ca 5 mínútur eða svo.  Passið að ofelda ekki humarinn.

Svo bar ég þetta fram með afganginum af sósunni og olíu-hvítlauks panini grilluðu baguette.

 

Humarsúpa á annan í jólum

Sósan frá því deginum áður ásamt humarskeljunum var góður grunnur að humarsúpu.

• Humarhalaskeljar
• Humar
• Hvítlaukur
• Shallot laukur
• Paprika, rauð
• Karry de lux  krydd
• Tomatpaste
• Cumin
• Rjómi
• Hvítvín

Ég lét malla í potti í góðri klípu af smjöri lauk, hvítlauk, papriku  (allt gróft skorið þar sem ég sigta þetta frá) og humarskeljar.  Svo set ég ca 1 og 1/2 til 2 lítra af vatni og læt sjóða í ca 2 klst.

Svo sigta ég soðið. Set það í pott og sýð með rjóma, hvítvíni, smá tómat paste og karry de lux.  Ég set bara eina og eina teskeið og smakka til þar til ég er sátt.  Sama með salt og pipar.  Svo setti ég 1/2 tsk af cumin.

Það var pínkupons afgangur af sósu frá deginum áður og ég lét það flakka með.

Ég geymdi nokkra humarhala sem ég var búin að skelflétta og setti þá á pönnu með smá smjöri og hvítlauk í u.þ.b mínútu og svo út í súpuna rétt áður en hún var borin fram.

Svo þeytti ég rjóma og setti slettu af honum ofan í hvern súpudisk áður en ég bar hana fram.

 

Reyktur lax

Var með reyktan lax í brunch á aðfangadag.  Bar hann fram á 3 mismunandi vegu.

Laxamauk borið fram í harðsoðnu eggi.

• 2 harðsoðin egg
• Sýrður rjómi
• Reyktur lax
• Lime
• Salt og pipar

Skerið harðsoðnu eggin til helminga, langsum.  Skafið varlega eggjarauðuna úr. Setjið hana í blender ásamt laxinum, sýrða rjómanum, lime salti og pipar og maukið.  Setjið maukið ofan í harðsoðna eggjahvítuna þar sem rauðan var og berið fram með góðu baguette.

 

Laxa-eggja salat

• Majónes og sýrður rjómi
• Nokkur egg
• Rauðlaukur rokkar
• salt og pipar 
• Olíuborið panini-grillað baguette

Skerði eggin í smáa bita, blandið saman við majones og sýrðan rjóma.  Bætið við ofurfínt skornum rauðlauk.  Saltið og piprið.   Setjið laxinn ofan á olíuborið panini-grillað baguette og svo slettu af eggjasalatinu ofan á laxinn. 

 

Lax með rjómaosti og rauðlauk og kapers.

• Reyktur lax
• Rjómaostur
• Rauðlaukur
• Kapers
• Olíuborið panini-grillað baguette

Klassík.  Smyrjið olíuborna panini-grillaða baguette-ið með rjómaosti.  Laxinn ofan á og stráðið yfir kapers og fínt skornum rauðlauk.

 

 

Uppgjör

Síðasti dagur ársins á ansi mögnuðu ári.  30 mismunandi rúm (nei, ég er ekki að selja mig) 14 lönd og grunnur að góðu húsi.

Bjuggum fyrstu 6 mánuði ársins í Kaupmannahöfn.  (Minni ykkur á að ég bloggaði hér fyrr á árinu um alla veitingastaði og bari sem ég fór á í Köben ef þið eruð á leiðinni þangað)

Svo komum við heim í júní og steyptum grunn fyrir hús sem við keyptum og bíður okkar í tveim rándýrum gámum.

Í lok júlí fórum við í brúðkaup aldarinnar, snilldar brúðkaup sem var haldið í Sun Peaks, B.C, Kanada. Eyddum um mánuði í Kanada, með stórskemmtilegri viðkomu í Seattle.

Í September fluttum við svo til Madrid, sem er snilldar borg og ég 100% mæli með henni, sérstaklega fyrir þá sem hafa gaman að mat og drykk.  Ferðuðumst mikið, drukkum góð vín, borðuðum yfir okkur af tapas og nutum lífsins.

Stoppuðum í Köben á leið heim til að fá okkur uppáhalds samloku kærastans á Salon.  Sú samloka klikkaði ekki, og við gengum svo langt að fara þangað tvisvar :P  Mun blogga sérstaklega um hana fljótlega.

Eyddum jólum á Íslandi í góðu yfirlæti hjá tengdaforeldrum.  Brunuðum svo til Kanada þan 27.des.  24 klst ferðaleg og svo þess virði þar sem Kamloops er einn af mínum uppáhalds stöðum í heimi.  Eigum góða vini hér, snilldar vinahópur.  Þar á meðal 2 aðrir íslendingar sem bjuggu hér fyrir nokkru, en klikkuðu á að koma með okkur hingað yfir áramótin :) Við skálum fyrir ykkur!

Einnig heimsóttum við m.a Grikkland, Tyrkland,  Búlgaríu, Úkraínu, Rúmeníu, Kýpur, Ísrael og Egyptaland á árinu.

Hér sit ég svo á síðasta degi ársins á hóteli í Kamloops með laptop og rauðvín upp í rúmi, food network channel í sjónvarpinu og rifja upp þetta snilldar ár. 

Áramótunum eyðum við með góðum vinum hér í Kamloops. Þemað er Redneck New Years Eve.  Þannig að maður mætir í hettupeysu og setur upp derhúfuna... en ég ætla að sleppa budveisernum.  Í dag verður bara drukkið gæðavín frá Okanagan.

Við höldum upp á áramótin 8 klst á eftir ykkur á Íslandi.  Klukkan er 11.30 núna og komin tími á hádegismat hjá mér á meðan flest ykkar eru eflaust að ljúka við að borða hátíðarmatinn.  

Verði ykkur að góðu, takk fyrir góðar stundir á árinu.  Gleðilegt ár til ykkar allra!  

Sxx

 

 

Lambafille

Hljómar þetta ekki stórkostlega?

Lambafille

• Lambafille
• Engifer
• Hvítlaukur
• Cumin
• Chile
• Olía

Allt saxað örsmátt og blandað saman.  Kryddblöndunni  núið inn í lambið.  Látið standa í klst eða lengur.  Brúnið lambið á öllum hliðum og setjið svo í álpappír og látið standa í smá stund, 10 mín eða svo.  Við viljum hafa það fallega bleikt.

Avacadomauk

• Avacado, almenninlega þroskaðann
• Paprika, rauð
• Rauðlaukur rokkar
• Chile
• Lime
• Ferskt kóríander
• Salt og pipar

Skerið avacado frekar gróft, papriku og rauðlauk fínt og chile örsmátt.  Bætið við lime, fersku smátt skornu fersku kóríander, saltið og pipar.  Blandið þessu vel saman. 

Skerið lambið í fínar sneiðar og berið fram með avacadomaukinu. 

TIP:  Það eru til nokkrar tegundir af Avacado, LANG bestur er HAAS.  Hann er svartleitur, krumpaður og frekar ljótur, en bara 1000 x betri en þessi fallega sletti og græni!