Ýsu wok með wasabi sesame dressingu

Keypti í Melabúðinni rosa fína wasabi sesame dressingu.  Marineraði ýsu í dressingunni og setti á pönnu með grænmeti.  Virkilega gott og bar þetta fram með Thai sweet chili sósu sem klikkar aldrei.

Ýsu wok með wasabi sesame dressingu

• Ýsa
• Sveppir
• Vorlaukur
• Púrra
• Paprika
• Hvítlaukur
• Salt
• Wasabi sesame dressing
• Hrísgrjónanúðlur

 

Skerið  ýsu í munnbita og veltið upp úr Wasabi sesame dressingunni. Eldið grænmetið á wokpönnunni, bætið svo fiski við og eldið í nokkrar mínútur eða þar til fiskurinn er tilbúinn.  Bætið við dressingu eftir smekk.  Hrærið saman við soðnum núðlum.  Berið fram með Thai sweet chili sauce.

 

www.soffia.net

Borðstofuborðið sprakk í tætlur, vægast sagt.

Mitt ástkæra borðstofuborð sprakk með miklum hvelli í trilljón skriljón mola fyrir helgi.  Brotin þeyttust um öll gólf með miklum látum. Þau þeyttust um allt og skemmdu skápa, parket, stólana og kommóðu.

 

Þetta gerðist daginn fyrir heimaskírn.  Þannig að megnið af deginum fór í þrif en ekki matargerð og bakstur.  En ég á svo góða að og mínir nánustu hjálpuðu til við bakstur.  Það hefði verið magnað ef þetta hefði gerst í skírninni sjálfri með öllum kræsingunum ofan á, svona um það leyti sem presturinn hefði sagt, friður sé með þér....

Borðið var úr hertu gleri og ég þori ekki að fá mér aðra glerplötu eftir að hafa upplifað þetta.  Ég og systir mín stóðum og sátum við  borðið án þess þó að koma við það þegar það sprakk.  Mildi var að ekki urðu slys á fólki og að dóttir mín var örugg í vagninum sínum, fjarri öllu.

 

Nú er að fara á stúfanna og leita að nýju borðstofusetti og vígja það svo með góðri matarveislu.

Skírnarkaka - Páska hátíðarterta

Það hefur verið breyttur lífstíll undafarið, en fyrir stuttu eignaðist ég litla yndislega stelpu.  Við skírðum hana um helgina og í tilefni þess bökuðum við systir mín skírnartertu.  Eftir miklar pælingar og leit að hugmyndum á veraldarvefnum duttum við niður á að hafa einfalda tertu klædda marsípani.  Systir mín hannaði nokkrar marsípan fígúrur sem við svo bjuggum til úr marsípani.

 

Hér fyrir ofan er prufutertan. Við ákváðum svo að hafa tvær kökur, en ekki stalla og nota önd og mörgæs.

Við notuðum Wilton matarliti til að lita marsípanið, mjög góðir. Marsípanið sem fór á kökuna sjálfa lituðum við ekki.

 

 

Við gerðum tvær kökur, tveir botnar á hvora köku.  Önnur var með perum og hin jarðaberjum.  Við bleyttum í botnunum með vökvanum úr niðursoðnu jarðaberjunum sem fór með jarðaberjafyllingunni og niðursoðnu perunum með perufyllingu.

Fylling er þeyttur rjómi með gróft muldu nóakroppi og toblerone og muldum marens, ásamt gróft skornum jarðaberjum annars vegar og perum hinsvegar.

Marsípanið rúlluðum við þunnt út, til að þekja eina köku þarf um 750 g af marsípani.

Svo mætti þekja hana með rjómakremi eða öðru góðu kremi í staðin fyrir marsípanið.

Ég mæli með euro shopper marsípaninu frekar en first price, því first price er grófara og dekkra. 

 

 

 

Harissa

Ég bjó til harissa með grillaðri papriku um daginn.  Það varð vel sterkt.  Þannig að ég mæli með að ef þið eruð með sterkan chilipipar að smakka ykkur til, setja mjög lítið til að byrja með ef þið viljið hafa hana í mildari kantinum.

 

 

Harissa

• Hálfur rauðlaukur
• 1 grilluð paprika
• 1 lítil dós tómat paste
• 1-2 msk sítróna
• Salt
• Chili, eftir smekk
• Hvítlauksrif, eftir smekk
• Ristuð cumin fræ, ca 2-3 msk
• Eitthvað af olíunni sem þið grilluðuð paprikuna úr, 2-3 msk eða eftir smekk

 

Byrjið á að rista cumin fræin og grilla papriku. 

Fræin ristið þið á þurri pönnu í nokkrar mínútur. 

Papriku skerið þið niður og setjið í eldfast mót með hálfum dl af matarolíu, salti og pipar og grillið í ofni þar til skinnið brennur, verður svart.

 

Takið hana úr ofni, setjið í skál og lokið með plastfilmu í korter.  Þannig losnar hýðið auðeldlega frá þegar hún kólnar.

 

 

Maukið allt ofantalið saman í matvinnsluvél eða blender. Verið dugleg að smakka ykkur til þar til þið eruð ánægð með bragðið